sunnudagsþankar

ég elska

• að fara í laanga sturtu, helst með olíu og salti.
• að bera á mig krem með góðri lykt
• setja Billy Holiday á spilarann, fá mér heit te og stara útum gluggann og láta mig dreyma
• gott hvítvínsglas með góðri vinkonu
• allar þær stundir sem ég á með mínum tilvonandi eiginmanni
• að geta verið í skóla
• að vera búinn að ákveða hvað ég ætla að læra þegar ég verð stór
• tilhugsunina um að eftir smá tíma verði ég gift sálufélaganum, besta vininum og stóru ástinni minni
• heita golu og sól
• að lesa góða bók
• að fara í sund
• bjartan kaldan vetrardag
• að liggja í heitum potti í grenjandi rigningu

en það sem ég mundi samt vilja

• að allir gætu farið í sturtu á hverjum degi og látið sig dreyma yfir tebolla
• að ég væri ekki svona drullustressuð yfir því að fara í Háskóla
• að ég næði af mér tugum kílóa fyrir stóra daginn
• að þvottahúsið, geymslan, og eldhúsið væri ekki eitt og sama herbergið í íbúðinni
• að ég sæi bæði sjó og fjöll útum gluggana mína
• að ég væri aðeins minna löt
• að ég kæmist í heimsókn til vinkvenna minna útum allan heim
• að við kæmumst í brúðkaupsferð í sumar
• að ég kynni að baka brauð og elda góðan mat

Eigið friðsaman hvíldardag

 

Athugasemdir

[Hrönn Sigurðardóttir, 4.3.2009 kl. 19:19]

mmmm heitur pottur í slagviðri! Eða jafnvel enn betra, í snjókomu og skafrenningi! Bara rétt hausinn upp úr og stundum jafnvel bara nefið....