jóla jóla

ef það eru bara 52 dagar til jóla er ég þá nokkuð mikið klikkuð að setja upp jólagardínur í eldhúsið?

Ég á svo fallega jólagardínur sem mamma gaf mér sem mig er farið að langa að setja upp. Svo keypti ég svo fallegan jóladúk á markaði í perlunni í sumar sem mig er líka farið að langa til að setja upp. Tala nú ekki um jólaóróana frá Georg Jensen sem mig langar að hengja upp. Svo gaf mágkona mín okkur rosa flottan kertastjaka frá Svíþjóð sem mig langar líkja að kveikja á. En mesta uppáhaldið eru samt kakóbollar og jólakanna sem Vallý amma málaði handa okkur það fer ekki upp fyrr en í desember því það er ekta jóla, svona spari jól.

En ég ætla að setja seríuna utan á húsið um þarnæstu helgi.  Frostrósirnar fara í i-podin bara núna í þessari viku.

Talandi um frostrósirnar sá auglýsingu um tónleikana þetta árið í mogganum, þrusu tónleikar sem mig langar að fara á. Garðar Þór, frostrósirnar, ég og jólin. Gleðilegan jólaundirbúning

Athugasemdir

[Hrönn Sigurðardóttir, 3.11.2008 kl. 10:29]

hehe góð síðasta myndin ;)

Settu gardínurnar bara upp.......... já og allt hitt líka :) 

[Jenný Anna Baldursdóttir, 3.11.2008 kl. 14:57]

Drífðu þetta upp.

[Oddný (IP-tala skráð) 4.11.2008 kl. 23:36]

Ég er aaalgjör jólaálfur,  en ætla að reyna að hemja mig að skreyta þangað til fyrsta í aðventu.... eða jafnvel skreyta um helgina fyrir fyrsta í aðventu 

Við splæstum einmitt í miða á Frostrósir.  Hef farið á jólatónleikana þeirra síðan þær byrjuðu með þá og mun vonandi aldrei hætta því!

[mamma (IP-tala skráð) 5.11.2008 kl. 23:58]

Hæ jólabarn. 

Það er alveg bannað að setja upp nokku jóladót fyrr en fyrsta sunnudag í aðventu og þá bara jólagardínur og aðventukrans, ekkert bráðlæti litla mín

kv.mamma (sem er enn að ala þig upp)

[Kristín Katla Árnadóttir, 12.11.2008 kl. 11:34]